Նախորդ շաբաթ ինձ առաջարկեցին ուսումնասիրել իմ դասընկերների բլոգերը՝ ըստ սովորողի ուսումնական բլոգին ներկայացվող պահանջների:
Պետք է՝
- առանձնացնենք բլոգի պահանջներին համապատասխանող բլոգները,
- առանձնացնենք այն բլոգները, որոնք չեն համապատասխանում պահանջներին, արձանագրենք խնդիրները, որոնք հանդիպում են դիտարկելիս,
- հանդես գանք առաջարկով, եթե կետի փոփոխման կամ ավելացման կարիք լինի
Ուսումնասիրության ընթացքում աչքի ընկնող խնդիրներից առավել շատ հանդիպել է՝
- ֆլեշմոբի
- լրացուցիչ կրթության
- արխիվի
- դասարանի անհամապատասխանության խնդիրները
Բացի այս ընդգծված խնդիրներից հանդիպել ենք նաև հղում գրադարանի կայքին, դասընկերների, դասավանդողների բլոգներին, մեկ-երկու բլոգում կառուցվածքային և այլ մանր, բայց կարևոր խնդիրների: Աշխատել եմ իմ համադասարանցի Տիգրան Սերոբյանի հետ՝ Google docs տարածքում: Գույներով առանձնացրել ենք խնդիրները, նշել դրանք:
Առաջարկում եմ.
- Ֆլեշմոբի և լրացուցիչ կրթության պարտադիր լինելու կետի փոփոխություն անել, քանի որ ֆլեշմոբին մասնակցելուց հետո սեղմում ես ուղարկել կոճակը և գնում է, ի՞նչ կարիք կա այդ հրապարակելու:
- լրացուցիչ կրթության բաժին ունենալը կկրի ձևական բնույթ, քանի որ , եթե ուզում եմ պատմել իմ ձեռքբերումների կամ առաջընթացի մասին կնշեմ պատումներ բաժինը, իսկ թե ինչ եմ պարապում դա կարտացոլվի իմ ուսումնական պլանում:
Շուշան Պետրոսյան 